Occitània, pas eparnhada peus hemnicides.

Published in Societat Read 164 times



Occitania, pas eparnhada peus hemnicides.

Dissabte passat, lo colectiu Nous Toutes qu’organizè enqüèra acamps drin pertot en l’Estat francés.


Lo nombre de hemnicides (137) que passè lo nombre dejà moribon de l’annada 2018 (121). A la manèra d’ua commemoracion tragica, las organizatoras qu’anoncian a cada còp lo nom de las hemnas cadudas devaths los còps criminaus d’òmis violents. L’emocion b’ei grana mes malaja ne permet pas d’estancar lo fenomène gesit deu patriarcat organizat perpetuat peu  sistèmi capitalista. Dab 150 000 personas en las carrèras de l’Estat francés que i averé totun ua basa solida entà portar la luta feminista mei haut.

Deu son costat, Occitania ne’s pòt pas regaudir de las chifras. En 2018, totas las regions administrativas occitanas de l’Estat francés èran de las mei murtrèras (en taus de mòrts per ….. poblans) de l’Exagòn, las regions de delà de la mar estant mei pertocadas enqüèra. En 2019, aqueths assessinats, cau diser los mots atau com son, qu’estón mendre en Navèra-Aquitania (7 hemnicides) e en Provença (9) mes mei importents en la region Occitania (18), seguida per Auvèrnha-Ròse-Aups (15) e l’annada n’ei pas acabada…

Aqueras chifras qui glaçan la sang ne deven pas har desbrombar los autes actes sexistes e violents que patissen las hemnas a noste (agressions sexuaus, viòls, secutaments, perpaus sexistes,…). En efèit 1 hemna qu’ei violada cada 7 minutas, ua que’s moreish quasi tots los2 dias e 1643 hemnas que son agressada sexuaument cada dia. En causa lo sistèmi economic, la manca d’educacion familhau e, a maugrat deus beròis devís, lo varat entre los programas de l’Educacion nacionau e lo tractament reau en las classas de l’egalitat entre los sexes e de las discriminacions en generau. La manca d’engatjament e lo mesprés de l’Estat be son tarribles : las mesuretas qui son previstas que son luenh de poder estancar l’emoragia.

De manera globau, que’ns hè besonh un feminisme popular occitan (véder feminisme popular quebequés). Las hemnas e los òmis engatjats.adas a l’encòp en l’occitanisme (politic o culturau) e en lo feminisme e l’antisexisme que son dabant pòrtas barradas e que barrejan en lo feminisme post-moderniste borgés e francés. La question deu feminisme de classa qu’ei perpausada per chic d’organizacions : lo FPRO autanlèu creada que balhè aquera direccion :

« Nous pensons que l'implication concrète des femmes comme des hommes dans la lutte est une nécessité. Sans la libération des femmes il ne pourra y avoir de libération totale. Cette dernière passe par une lutte pour la justice et l'égalité des droits. Car c’est, comme toujours, sur les bases de la question de classe que nous devons axer notre combat. Dire ‘les Femmes’ ne signifie enfin de compte pas grand-chose, entre une patronne d’entreprise et une ouvrière à la chaîne, il n’y a pas d’intérêt commun même si toutes deux subissent la domination masculine. Ainsi on ne peut pas voir les rapports d'exploitation de l'être humain uniquement par l'opposition de genre homme-femme. Si nous voulons une société plus juste cette lutte pour la libération des femmes doit être concomitante à la lutte des classes.»

Quan los autes moviments occitans ne s’interessan pas enqüèra a la question o segueishen los modèles francés o anglosaxons qui limitan la luta feminista a un combat d’oposicion de genre entà l’egalitat salariau e la fin de las violéncias hèitas a las hemnas çò qui ei un bon debut mes pas pro. Las raras tentativas d’organizacion feminista occitana n’an pas espelit. Qu’ei totun ua necessitat pr’amor ne libereram pas Occitania shens las hemnas.